រឿងកំប្លែង

រឿង ញើស

មានសេដ្ធីម្នាក់ក្រោយពីមកពីមើលកម្មករ​នៅចំការអស់កម្លាំងនិងក្ដៅក៏បានហៅអ្នកបំរើម្នាក់មកអង្គុយបក់

សេដ្ធី៖នែក មើលបក់អាយខ្លាំងបន្ដិចមើល​ក្ដៅចង់ឆ្អិនហើយ

អ្នកបម្រើ៖ បាទទាន

មួយសន្ទុះក្រោយមកស្រាប់តែសេដ្ធីហាក់ដូចជាភ្ញាក់រួចនិយាយ

សេដ្ធី៖​យី ចំជាប្លែកមែនមិញនៅលើខ្លួនយើងសុទ្ធតែញើស តែឥលូវវាបាត់ទៅណា អស់រលីងន៎ ចំជាប្លែកមែន

អ្នកបម្រើ៖ វាមិនបានបាត់ទៅណាទេទាន វាគ្រាន់ផ្លាស់ទីចេញពីលោក តែវាមកជោគ ខ្ញុំឯណោះវិញ។

រឿង​ វាមិនបាត់ទេ

មានពេលមួយមានសេដ្ធីនីម្នាក់បានជិះទូកទៅសួរសុខទុកសាច់ញាតិហើយបាននាំ​ទាសីម្នាក់ទៅជាមួយ

ពេលកំពុងជិះទូកស្រាប់តែអ្នកបម្រើស្រីនោះបានសួរទៅកាន់ ម្ចាស់ស្រីរបស់ខ្លួនថា

ទាសី៖ចៅហ្វាយស្រី​

ម្ចាស់ស្រី៖យ៉ាងម៉េច

ទាសីធ្វើមុខស្លុតស្លាំង

ទាសី៖​ចៅហ្វាយស្រី​ របស់យ៉ាងម៉េចដែលគេចាត់ទុកថាវាបាត់នោះ?

ម្ចាស់ស្រី៖របស់ ដែលបាត់ជារបស់ដែលយើងមិនដឹងថាវានៅកន្លែងណាហ្នឹងហើយ។

ទាសីបានយកដៃរិតទ្រូង ហើយដកដង្ហើមធំពេលនោះម្ចាស់ស្រីបានសួរ

ម្ចាស់ស្រី៖ ឯងសួរធ្វើអី?

ទាសី៖គឺថាមិញនេះខ្ញុំបានធ្វើអោយ ស្បៃរបស់ចៅហ្វាយស្រីធ្លាក់ទឹក​ តែចៅហ្វាយស្រីមិនបាច់បារម្ភទេ វាមិនបាត់ទេ ព្រោះខ្ញុំដឹងច្បាស់ថាវាពិតជានៅក្នុងទន្លេនេះ ប្រាកដណាស់

ចៅហ្វាយស្រី៖??????